Allir krakkar áhugsamir um hesta !

Það verður pizzukvöld í Funaborg föstudaginn 18. maí n.k. kl. 19:00. Auk þess ætlum við að fræðast svolítið um hestinn og sjá myndir frá námskeiðinu frá því um daginn. Þeir krakkar sem luku reiðnámskeiðinu fá afhent þátttökuskjal. Allir krakkar áhugasamir um hesta eru velkomnir. Þátttaka tilkynnist á netfangið holsgerdi@simnet.is í síðasta lagi fimmtudagskvöldið kl. 21:00.
F.h. barna og unglingaráðs hestamannafélagsins Funa, Sigríður í Hólsgerði

Sumardaginn fyrsta útskrifuðum við um 60 nemendur sem hafa stundað nám síðustu tvo vetur í Reiðmanninum, þar á meðal á Akureyri þar sem Erlingur Ingvarsson sá um verklega kennslu.
Í samráði við hestamannafélagið á Akureyrarsvæðinu og stjórn Reiðhallarinnar þar hefur verið ákveðið að bjóða námið fram aftur næsta haust!
Hér er meðfylgjandi auglýsing um námið Reiðmaðurinn
Námið er fyrir alla áhugasama yfir 16 ára aldri sem stundað hafa útreiðar og hestamennsku sér til ánægju en vilja ná betri tökum á hrossaræktinni og reiðmennskunni.
Námið er metið til framhaldsskólaeininga sem getur komið sér mjög vel fyrir nema á þeim aldri
Allar upplýsingar um námið og umsóknareyðublað sem þarf að prenta út og póstleggja eru á www.lbhi.is/namskeid undir Reiðmaðurinn í vinstri stiku.

Ef eitthvað er óljóst má leita nánari upplýsinga hjá undirritaðri.

Góð kveðja
Ásdís Helga

o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o

Ásdís Helga Bjarnadóttir
Verkefnisstjóri hjá Endurmenntun LbhÍ / Projectmanager of Continuing Education
Landbúnaðarháskóli Íslands / Agricultural University of Iceland
tel: 433 5000 – e-mail: asdish@lbhi.is
www.lbhi.is/namskeid
www.facebook.com/namskeid

Sýningin Æskan og hesturinn er á næsta leiti, en hún verður haldin næstkomandi laugardag kl 14:00. Fimmtán krakkar frá Funa eru búnir að vera að æfa fyrir sýninguna og verða með eitt stórt atriði saman og hvetjum við alla til að mæta og sjá afraksturinn. Það er ókeypis aðgangur! Einnig er boðið upp á sameiginlegt atriði hjá þeim félögum sem taka þátt, fyrir krakka sem hafa ekki verið að æfa fyrir sýninguna og eru kannski ekki mjög vanir og er ennþá hægt að skrá sig í það. Það fer þannig fram að farið verður um höllina á feti og teymt undir þeim sem það vilja og að sjálfsögðu allir hvattir til að mæta í búningum. Ef einhverjir krakkar hafa áhuga á að vera með í þessu atriði þá endilega hafið samband við Önnu Sonju í síma 846-1087.

Til þeirra sem taka þátt í atriðinu frá Funa:
Eins og allir vita þá eigum við æfingu á föstudaginn í Toppreiterhöllinni kl 15:00 og stefnum við á að mæta í búningunum okkar. Svo skilst mér að það eigi að renna öllum atriðum í gegn í nokkurskonar generalprufu á laugardagsmorgun, þ.a. það verður mikið að gera hjá okkur Ég er búin að græja tónlistina fyrir atriðið og aldrei að vita nema við prófum að renna þessu í gegn með tónlistinni á föstudaginn. Það verður mikið af krökkum frá nágrannafélögum okkar á Akureyri um helgina þ.a. það verður ekki hægt að ganga að stíunum í reiðhöllinni vísum og því best að allir hugi að því að útvega sér hesthúspláss eða gerði til að geyma hrossin í á milli æfingar og sýningar á laugardaginn. Ef einhverjir eru í vandræðum með að útvega sér pláss þá má hafa samband við Höskuld Jónsson í síma 892-5520.

Kv. Anna Sonja

Mjög vel tókst til með pöntunina en breyta þurfti litnum á hestinum í lógóinu. Hesturinn var hafður grár í stað svartur þar sem jakkarnir eru svartir en lógóið var saumað í jakkana og það tókst vel til. Lógó Funa er nú til hjá 66° og því hægðarleikur að taka saman í aðra pöntun hafi fólk áhuga.

Önnur æfing fyrir sýninguna Æskan og hesturinn verður föstudaginn 27. apríl milli kl 15:00 og 16:30 í réttinni á MELGERÐISMELUM. Æfingin fer þannig fram að við byrjum á því að æfa prógrammið fótgangandi án hestanna. Svo æfa indíánarnir sig í að stökkva á hestunum og þar á eftir æfa kúrekarnir sinn hluta á hestum. Þessi æfing kemur í staðin fyrir reiðtímann sem átti að vera á laugardaginn 28. apríl, hjá þeim sem voru á reiðnámskeiðinu.
..

Fyrsta æfing fyrir sýninguna Æskan og hesturinn, fer fram á þriðjudaginn milli kl 16:00 og 17:00, í Toppreiter höllinni á Akureyri. Best er að krakkarnir séu tilbúnir með hestana sína kl 16 svo að tíminn nýtist sem best. Nánari upplýsingar hjá Önnu Sonju í síma 846-1087.

 Umsóknarfrestur í Landsmótssjóð UMSE 2009, rennur út 30. apríl 2012

Fyrri úthlutun þessa árs fer fram 1. júní n.k. Sjóðurinn hefur frá stofnun styrkt margvísleg verkefni. Tilgangur sjóðsins er að stuðla að því að starf UMSE geti í framtíðinni orðið enn öflugara.

Sjóðurinn styrkir ýmis verkefni í innra starfi UMSE – svo sem:

-Fræðslustarf – m.a. námskeiðshald og fyrirlestra fyrir þjálfara, leiðbeinendur, starfsmenn og/eða dómara, félagsmenn og iðkendur innan UMSE.

-Útbreiðslu- og kynningarstarf í því skyni að gera UMSE sýnilegra og vekja athygli á fjölþættu starfi sambandsins.

-Önnur verkefni sem sjóðsstjórn metur að séu til þess fallin að efla innra starf UMSE.

Umsóknarfrestur er til og með 30. apríl n.k. Umsóknir berist skirfstofu UMSE Búgarði, Óseyri 2, 603 Akureyri eða í tölvupósti á umse@umse.is.

Nánar um sjóðinn og úthlutunnarreglur hans er að finna á heimasíðu UMSE www.umse.is

http://www.umse.is/reglugerdhir/landsmotssjodhur-umse-2009

Í dag var mikill fólksfjöldi í Funaborg

Hestamannafélagið Funi „býður” til grillveislu í Funaborg, föstudagskvöldið 20.apríl, þú kemur með þitt kjöt á grillið og kaupir meðlæti á staðnum. Grillið verður heitt kl 20
Skráning fyrir kl 12, 19.apríl í síma 461 1242, 861 1348 eða á netfangið hafdisds@simnet.is
ATH breytt dagsetning!
Allir velkomnir
Hestamannafélagið Funi

Smelltu hér